زجل: فاقد الشيء لا يعطيه | اسماء طنوس المكر

القلب ال ما فِيّو سلام ___ سلوكُه القتِل والإجــرام

من دينُه أو من شعبُه ___ ما بيِعرف معنى الحـرام

_____________________________

هَدول الشباب ضايعين ___ الأهِل عنهم مش سائلين

عَحياتهم مش خايفيـن ___ تـربّـوا على الإنــتـقـام

_____________________________

وهايِ البُذور السّامِّـه ____ بـيـنِ السُّــكّـانِ عــامِّـه

لازم قَلعا منِ الجذور ____ بِوجـودهم حِقد وخصام

_____________________________

وشباب ال ما فيهم دم ____ عندهم مُتعَة قتل الناس

ما خافوامن رب الكون___ ياللي بيطلقوا الرصاص

_____________________________

كيف الشاب بيقتل خَيُّه___ ياللي من بلـدُه وديــنُـه

ألـلّـه خـلقــنـا إخــوِه ____ أعمـالُــه راح بِتـديـنـُه

_____________________________

واللي فـاقـد الرحـمِـه ___ وما بيِرحـم حتّى خَــيّـو

كيف راح يرحم الآخر___ ياللّـي دينُـه مِـش زَيّــو

إضافة تعقيب

القائمة البريدية