news-details

مَــعْــقــولْ ؟! | د. نزيه قسيس

 

مَـعْـقــولْ شَـــعْـبِ الْـكِـتـــاب

يِـرْضَـى في هـذا الْـمَـصـاب؟

ومَـعْـقــولْ يِــقْـبَـلْ فـــاشـــي

يِـبْــقـى عَ كـيــفـــو مـاشــــي

وْدايـِـــر عَ  كُـــلِّ الأسْــــواق

يِـحْـكـي حَــكـي مـا بِـنْـطـاق!

مــالــو حـاطِـــطْ  حْـطــاطـو

وْفَــرْدو  مْـدَنْـدَلْ عَـقْــشـاطـو

وْعَـلــيــنــا صــوتــو طـالِــع

وْمـا خَـلّى ســاحَــه وْشـــارِع

وْمـــا حَـــدا بَــــدّو يْــصُـــدّو

وْمــا حَـــدا بَـــــدّو يْـــــرُدّو؟

*

مَـعْــقـــولْ شَــعْــبِ الْـعَــذاب

يِـفْــقِـدِ عْــيــونِ الـصَّـــواب؟

وْيِــفْــقِـــدِ الْـعَــقْــلِ الْـحَـكـيـم

وْيِـنْـسـى تـاريـخــوالْــقَــديــم

وْيِـنْـسـى تـاريـخـو الْـقَـريـب

وْيِـمْـشي مَع فـاشـي رَهـيـب؟

مَـعْـقـولْ يِــنْــسَـى الأَمـــــان

فـــي رِحــــابِ الْـقَــيْـــرَوان

وْفي مـيـنِ اِحْـتَـمى في مـيـن

أَيّــــامْ صَـــــلاحِ الــدّيـــــن؟

وْيِـنْـسـى طَـبـيـبِ الـسُّـلْـطـان

أيّــــــامْ بَـــنـــي عُــثْــمـــان؟

*

مَـعْــقــولْ شَــعْــبِ الـشَّـتـات

يِـقْـبَـلْ يِـحْــرِمْــنــا الْـحَـيـات

وْيِـتَــرِكْ مَـهْـووسِ الْـيَـمــيـن

يِــتْـخَــبّـا فِــثْــيــابِ الـدّيــــن

وْيِـحْــمِـلْ فـي إيــدوعَـصـايْ

يُـخْـبُـطْ هـذا وْيُـخْـبُـط هــايْ!

مَـعْــقــولْ يِــغْــفِــرْ خَـطـايــا

الْـفـاشي وْيِـنْـسـى الْـوَصـايا؟

وْمَــعْــقــولْ يِــغْــفَــلْ ويْـنـام

فــي دَهـــالــيــزِ الــظَّــــلام؟

وْلَـمّـا مِـــنْ سُــبـاتـو يْــقـــوم

مــيــنُ وْمــيــنْ بَــدّو يْـلــوم؟

*

مَـعْـقـولْ هـالـفـاشـي يْـصـيـر

أَعْـلـى مِـــنْ أَعْــلــى وَزيـــر

وِيْـصــيــرْ صـاحِــبْ قَـــرار

وْيِـسْـقـيـنــا كـــاسِ الْـمَـــرار

وْيِــكْـسِــرْ كُــــلِّ الْـقَــوانـيـن

وْيِــقْــلِـبْ كُــــلِّ الْـمَــوازيـن

وْمــا يِــبْــقَــى عِــنّــا كَـــلام

وْمـا يِـبْـقَـى عِـــنْـدو سَــلام!؟

وْمَـعْـقـولْ شَــعْـبـو وْشَـعـبـي

تِـفْـلَـتْ مِــنْ إيــدو الّـلُـعْـبـي!

وْمــا تِــبْــقـى إلْـــنــا أوْطــان

غــيــرِ الــنّــار وِالــدُّخّــان!؟

مَـــعْــقـــول؟

أخبار ذات صلة

إضافة تعقيب