الْـهَـزِّه! | د. نزيه قسيس

 

*

اِنْـتـي وْأنــــا فـي الْـــــــبِـــداي

عِــشْــنـا فـي نَــفْــسِ الْــبِــنــاي

وْلَــمّــا هَـــزَّتْــــــنــا الْــهَــــزِّه

جَـمْـعَــتْــنــا نَــفْـسِ الْـحُـكّــاي!

*

وْلَـــمَّـــا ضَــرَبْــنــا الــزِّلْــزال

وِالْــبــيــتْ عَــلــيـــنــا هــــــال

مــا ظَـــلّ مَــعـــي غــــيــــرِك

يــا بِــنْــتِ الْـخـالِــه وِالْــخــال!

*

وْمـــا ظَـــــلّ إلْــــنــا عُـــنْـوان

مَــعــروفِ بْـهــــايِ الأوْطـــان

وْصـارَتْ دَمْـعـاتـي وْدَمْـعـاتِـك

تِـتْـخَـــبّـــى بــيــنِ الأجْـــفــان!

*

وْصــارْت دَمْـعــاتـي الْـحـامـي

تَـعْـــبـــيـري عَـــنْ غَـــرامـــي

وْصـارَتْ أفْـكـــارِكْ يـا عـيـني

مَـــنْـــبَـــعْ فِــكْـري وْإلْـهـامـي!

*

وْصـــارَتْ أفْــكــارِكْ أفــكــاري

وْقَــلْـبِــكْ مــيــنــا أسْــــــــراري

وْقَــــــراري مِـــنْ قَـــــــرارِك

وْقَــــرارِكْ مـِــــــنْ قَــــــراري!

*

وْقَــــراري؟ مَـهْـجَــرْنـــا طـــال

وِالْــمَــهْــجَـــرْ وَهْــــمُ وْخَــيــال

وْلازِم نِـــصْــحـــى عَ بَــكّــيـــر

وْمـا نِـغْــرِقْ فـي بَـحْــرِ الْـمـال!

*

وْلازِمْ نِــرْجَــــعْ مَـهْــمــا صــار

نِــمْــحـــي آثـــارِ الــدَّمــــــــــار

وْعِــــنْـــدي أمَـــلْ، يـــا أَمَــــل

تِــرْجَـــعْ تِــتْــعَــمَّــرْ هـــالــدّار!

*

وْعِـــنْـــدي أمَــلْ هَـــالــشَّــبــاب

مـــا تِــبْــقـــى هــــونْ أغْـــراب

وْأنـــا مِــسْــتَــكْــفــي بْــوَطَـنـي

بْـمَـــكْـتَـبِـه وْقَـــلَــــمْ وِكْــتـــاب!