لـولا إيـمانـي بْـرَبّـي! | د. نزيه قسيس

*
لـولا إيـمــــانــــــي بْـــرَبّــــــي
وْلـــولا حُــبِّــــــي لَ شَـــعْــبــي
كــانْ عَــقْــلـــي مِــنّــي طـــــار
وْطـارَتْ روحـي مِـنْ قَـلــــبـي!
*
وْكــانْ حُــبّــي لَــبْــلادي
وْمَــسْــقَــطْ راسـي وْمـيـلادي
وْكـانْ اِسْـمـي مِـنّـي راح
وْراحَـتْ مِــنّــي الإرادي!
*
وْكــــانْ قَـلْـبــي نــاحُ وْجــــــاح
وِالْــقَــلْـبْ مَــلْــيــــانِ جْـــراح!
وْكـــانَـتْ عْــيــونــي عَــمْــــيــا
وْمــا شـافَـتْ نــورِ الــصَّــبـاح!
*
وْكــانَــتْ روحــــي الْـحَــزيـنِـه
فـــي زَقــــــاقِ الْــمَــديــــنِـــــه
وْمـا كـانَـتْ أفْــكــاري حُــــــرَّه
وَلا كــــــانَـــتْ رَزيـــــنِـــــــه!
*
وْمـا كـــانْ طَـبْـعـــي صَــبـــور 
وْمـا كـــــانْ هــــادي وْغَــفــور
وْكـــانْ زَمــانـــي مَــرْمَـــرْنـي
وْقَـضّـيـتْ عُـمْـري مَـقْـهــــور! 
*
وْكـــانْ زَمـانــي ضَــيَّـعْـــنــــي
وْحَــنـيــنْ قَــلْــبــي لَــوَّعْــنـــي
وْكـانِ الْـمَـهْـجَــرِ جَـرْجَـْرنــــي
وْصوتِ الْـماضي صَرْصَعْـني!
*
وْكــانِ الْـــوَهْـــــمُ وْظَــلامـــــو
خَــلّــى بَـسْــــمــاتــي يْــنــامــو
وْكــانِ الْــحِــلْــم الأمْــريــكـــي
سَــــحَــرْنــي فـي أْحـْــلامــــو!
*
وْكـــانِ الــزَّمـــــانِ الْــغَـــــدّار
خَــلّــى إيــمــانـــي يِـــنْـــهــــار
وْكـــانِ الْــمـــالُ وْأَطْـــمــاعــو
سَــــقــانـي كــــاسِ الْــمَــــرار!
*
وْكـــانْ ظَــــــــــلامِ الأيّــــــــام
زَرَعْ طـــريـــقــي ألْــغـــــــــام
وْخَــلّانـي أفْــقِــــــدْ ضَــمـيـري
وْمــــا أعْــــرِفْ لــيــلِــه أَنـــام!
*
وْخَـــلّانـــي أفْــقِـــــدْ روحــــي
وْزادْ أوْجـــــــــاعِ جْـــروحـــي
وْخَـــــلّانـــي أَنْــســـى أبــــوي
وْنــوحـي يــا إِمّــي نــوحـــــي!
*
وْخَــلّانــي أكْـسِــر مــيــزانـــي
وْمِـنْ حالــي أَتْــرِكْ مـيــدانــــي
وْخَـــــــــلّانـي أَنـــــــا وْأوْلادي
أرْحَـــلْ عَــبْـــــــلادْ ثــانـــــي!
*
وْخَــلّانــي أنْــســـــى الْـهَــوِيَّــة
وْحِــكايـــاتـــي الْأَصْــلِـــــيِّــــه
وْخَــلّانـي مـا أعْـــرِفْ بِــنْــتـي 
شَـــــرْقِـــيِّــه أو غَـــرْبِـــيِّـــــه!
*
وْخَــلّانـي مِـثْــلِ الْـمَـجْــــنـــون
أَفْــنـــى فـي عــالَـمْ مَــأفــــــون
وْخَــــلّانــي أفْـــقِــــــد حـــالــي
وْأَبْـقـى فِ الْـغُـرْبِـــه مَـدْفــون!