د. نزيه قسيس| بـاقـي يـا دِنْـيـا باقـي!

بــاقـــي يــــا دِنْـــيـــا بــــاقـــي

فــيــــكـــي حــامِــــلْ أوْراقــي

مــــا دامِـــــكْ حــامِــلْــتـيــنــي

وْبَــعْـدو حـامِـلْــنــي ســــاقـي!

*

وْمــا دامِــــكْ واسِـــعْــتــيــنــي

وْمــنْ وَقــتِــــكْ أعْـطـيـتـيــنـي

وْمــا دامِ فـي إيـــدي ريــشِـــــه

تِــرْسِـــمْ زَيْـتــونــي وْتــيــنـي!

*

وْمـــا دامْ عَــقْــلـــي بْــراســـي

وْعـــارِف شَــــــرِّ الـسِّـيـاســي

وْمــا دامِ بْــعــيــنــي شــــايــف

وْعــايِـــــشْ كُـــلِّ الْــمَــآســي!

*

وْمـــا دامْ قَــلْــبـــي خَــفّـــــــاق

وْمَــلْــيــانْ حُــــــبُّ وْأشْــــواق

وْمــا دامْ فــي مَـعْـــنـــا نــــاس 

عِــنْـدا ضَــمــيـــرُ وْأخْــــلاق!

*

وْمـــا دامْ عِـــنّــــــا أقْـــــــــلام

تُـــرْصُـــد حَــكـايـــــا الْأيّـــام

وْمـــا دامْ عِـــنّــا شَــــــــبـــاب

وْصَـــبـــايــا عِــنْـــدا إلْــهـــام!

*

وْمـــا دامْ يـــا دُنْــــيـــا صــــار

عـــالَــمْــنــا نُصّــــو أشْـــــرار

وْمـــا دامِ بْـــــلادي صـــــارَت

غــابِـه عَــمْـتـوكِـلْــهــا الـنّــار!

*

وْمـــا دامْ عِــــنّـــــــا أوْجـــــاع

وْإنْـسـانْ فِ خْـــيــــامــو جــاع

وْمــا دامِ لْـســـــانــي بِـــحْـكــي

وْبَــعْــدو إيــمــانــي مـا ضـاع!

*

وْمـــا دام فــيــكـــي فــاشـــــي

رَبْــــيــــــانْ عــالـدَّفـــاشــــــي

وْمــــــا دامْ فـــيــكـي ظــالِــــم

وْفــيــكـــي مُـحْــتــالُ وْراشــي

*

وْمــا دامِ الأمَـــــلْ مَـــوْجــــود

وِالْـجـانـي جُــرْمــو مَــشْــهــود

لا بُـــــدِّ قــــاضـــي الــزَّمـــان

وْقـــانـــونِ الْــعَـدالِــه يْــســود!

*

وْمــا دامِ رْفــيـــقــــي بـــاقـــي

مَــعـــي حـــامِـــلْ أَشْــــواقـــي

وْمـــا دامْ فــيــكــي يـــا دِنْـــيـــا

إنْــســـــــانْ واحَــــــــدْ راقــي!