لـبْـنـان شَـعْــبَـك ثـار!

• د. نزيه قسيس
• 31/10/2019
• نسخ الرابط

*

لــبْــنــان شَـعْــبَــكْ ثـــارْ عَ ظُــلْــمِ الْــقَــريــب

فـي لَـهْـجِـتــو عَــتْـبـانْ عَ نَــهْــجـو الْـغَــريـب

مــا عِــنــدو إلّا صـــوتــو عــالــي يِـــرْفَــعــو

تَ يِـشْـكـي هَــمّــو إلَـك،  يـا أغْـلـى حَـبـيـب!

*

لـبـنـان شَـعْـبَـكْ ثــارْ وِالْـــمَــوْقِــفْ حَـــديــــد

فـي صَــرْخِـتـو جَـبّـار فــي صـوتـو نَــشـــيــد

فــي هَــبِّــتــو إيــمــان فــي حَـــقِّ الــحَــيـــاة

فــي مُـهْـجِـتــو آمــالِ بْـمُـسْـتَـقْــبَـلْ مَــجــيــد!

 

 لـبْـنـانْ شَـــعْـــبَـكْ ثـــارْ عَ نَـهْــــجِ الـضَّـيـاع

وْنَـهْـجِ الـطَّـوايِـف وِالْـمَـــذاهِــبْ وِالـصِّـــراع

تَـيْـحـاسِـــبِ الّـلـي سَـــلَـــبْ خـيـرَكْ أوْ نَـهَــب

أوْ تــاجَـــرِ بْـــأرْزاتَــكِ وْسَــمْــسَــــرُ وْبـــاع!

*

لــبْــنــانْ شَــــعْــبَــكْ ثــارْ عَ أبْــشَــعْ نِــظــــام

تـيْـحـاسِـبِ الّـلي اغْـتَـــنـى بِـأمـــوالِ الْـحَــرام

مِـنْ تَـعَـبْ أهْــــلِ الـتَّـعَــبْ هَـرَّبْـهـا وْهَــــرَب

وخَـبّـــاهــا فِــبْـــلادِ الــنَّـهِـبْ وِالْـعَـــمّ ســــام!

*

لـبــنــان شَـــعْــبَــكْ ثــارْ عَ نَــهْــجِ الْــفَــســـاد

وْأهْـــلِ الـطَّـمَـعْ وِالْـجَـشَـع فـي خـيـرِ الْـعِــبـاد

وْخــــايِـفْ عـلـى هَـالْـوَطَـنْ يـا أغْـلـى وَطَـــن

تِــنْــبــاعْ بُــكْــرَه فــي مَــيــاديــــنِ الْــمَـــزاد!

*

لـبْـنـانْ شَـــعْـــبَـكْ ذَكـي وْفـي نَـهْـجـو حَـكـيــم

وْيـا ريـتْ يِـبْــقـى صـوتـو جَـبّــار وْعَـظــيـــم

ويـا ريـتْ يِـبْـــقـى مــاشـي فـي دَرْبِ الأمـــان

وْما يِــدْفَـعــو مِـحْـتـــال عَـدْروبِ الْـجَـحـيـــم!

*

ويـا ريـــتْ يِـبْـقـى  فــي مَــسـارات الـحِــــوار

لا فـي مَـــــداراتِ الـتَّـصـــــــــادُم والـدَّمــــار

وْيِـحْـمــيـكْ مِــنْ أهْـــلِ الـنَّـهِـبْ وِالإخْـتِــلاس

ويْـصـيـرْ مِــنْ أهْــــلِ الـقِــيـــادِه وِالْــقَـــرار!

*

وْيِـحْــمــيــكْ مِــنْ حَـرْبِ الأهِــلْ وِالإنْـتِـقــــام

وْشَــرِّ الْـخَـفـافـيـشِ الْـغَــريـبـه فـي الـظَّـــــلام 

ويــا ريـتْ شَـــعْـبَـكْ مِـثِــلْ صَــنّـيــــنِ الأبــي

يِــبْـقـى جْـبـيـنـو شـــامِــخِ وْعـالـي الْـمَـقــــام!

*

ويا ريـتْ شَعْـبَـكْ يِـبْـــقـى عالْـوَعْـدِ الأصـــيـل

مــا يُـسْــــقُـط بْــأرْضَــك وَلا واحَـــدْ قَــتـيــــل

ويـا ريـت يِـخْـلَـقْ فـيـك لـبْـــنـــانِ الْـجَـمــيــع:

عـيـسى وْمُـحَـمَّـد عَـلِـي ومَـعْـروفُ وْخَـلـيـل!