زجل| الكرامة تحفظك

اللّي   مالُه  كرامِه  ----  مِثلِ الأعمى ما بيِقشع

مالُه قيمِه ولا قامِه  ----  وِالنَّصيحَه  ما  بيِسمَع 

__________________________ 

الكرامِه بتحفظ شخصَك ----بِتحافظ  عَمِـقدارَك

شهامِه وعِزِّة  نفسَك  ----    بِتْحَـفِّـز لِإكـرامَـك

لَوْ شايِفها ما تْخُصَّك  ---- ما بتِسوَى لِاحتِرامَك

العيون رايحَه تْبُصِّلَّك ----  إنَّك فاشل ما  بتِنفع

___________________________  

الكَرامِه جَوْهَرُ الناس ---- بتبقى غاليه مهما كان 

بِدونا الشّخصِ بيِنداس---- ما لُه بينِ الناسِ مكان 

بيِبقى جِسْم بْلا إحساس---- باقي عَحالُه  رَضيان 

عقلي خَلاص اتنَوَّر ----  عِرفِ  الكَرامِه  بْتِرفَع