مِـسْـتَـغْـرِبْ...!

يـا رْفــيـقْ عُـمْـري الـطَّــويـل

عَــلـــى دْروبِ الْـمُـسْـتَـحـيـل 

مِـسْـتَـغْـرِبْ كـيــفْ راحَــت

أحْـــلامِ الــزَّمَـــنِ الأصـيـل!

*

مِــسْـتَـغْـربْ كـيــفِ الــزَّمـان

غَـــيَّـــرْ أســامــي الأوْطــــان

وْمِـسْـتَغْـرِبْ لـيـش مـا عُــدْنـا 

إنْــســانِ يْـخــاوي إنــســان!؟

*

وْمِـسْـتَغْـرِبْ مِــثْـلـي مِـثْـلَـــك 

وْخــايـفْ عَ أهْــلــي وْأَهْــلَــك

مِـسْـتَـغْـرِبْ لـيـش يـا رْفـيـقي 

شْـــوَيِّ شْـــوَيْ عَــمْـنِـهْــلـك! 

*

وْمِـسْـتَـغْـرِبْ لـيـشْ فـي نـاس

صــارَتْ مِـنْ غـيـرْ إحْـسـاس

وْمِـسْـتَغْـرِبْ لـيـش الأوْطـان

واحَـــدْ واحَـــدْ عَـمْـِتِـنْـداس!

*

وْمِـسْـتَـغْـرِبْ لـيـــشِ الـحُـكّـام
صـــارَتْ فـــي هــــايِ الْأيّــام

تْــنـاصِــرْ أهْــالــي الإرْهــاب

وِتْـعـــادي أهْـــــــلِ الـسَّـــلام!

*

وِتْـنِــاصِـرْ أهْــــلِ الـتِّـكْـفــيـر

وِتْـحـاصِـرْ أهْــــلِ الـتِّـنـويـــر

وِتْـعــــانِــدْ أهْــــلِ الـسَّــــمـاح

وِتْـعـــادي أهْــــلِ الـتَّـفْـكـيــر!

*

وِتْــلاحِــــقْ أهْـــلِ الْإصْـــلاح

وْتْـــنــافِــقْ حَــتّــى تِــرْتـــاح!

وْمِـسْـتَـغْـرِبْ لـيــشْ هـالـنّـاس

لابْــــسي ثْــيــابِ الـتِّـمْـســاح!

*

وْمِـسْـتَـغْـرِبْ لـيــشِ الإعْــلام

بــيــــســاوِم أهْـــلِ الإجْـــرام

وْمـسِــتَـغْــرِبْ لـيـشِ الأفْـكـار

بْـتُـهْـرُبْ مِــنْ حِـبْـرِ الأقْــلام!

*

وْمِــسْـتَـغْـرِبْ لــيــش الْـغُـنّاي

والــرَّقْــصَـه هَــزُّ وْتِــسْــلاي

وْمِـسْـتَـغْـرِبْ لـيـش الأشْـعـار

مــا إلْــهــا مَــعْــنى أو غــاي!

*

وْمِــسْـتَـغْـرِبْ لـيــش الـرَّسـام

مـــا عــــادْ عِـــنْـــدو إلْــهــام

وْمِـسْـتَغْـرِبْ ما رَسَـمْ صورَه

 عَــنْ بَـلَـدْ صـــارَتْ رُكـــام!

*

وْمِـسْـتَـغْـرِبْ لـيــشِ الأحْـرار

عَــمْـتُـهْــجُــرْ مَـهْـدِ الأفْـكــار

وْمِـسْـتَـغْـرِبْ لـيــشْ طـاروا

وْداروا فـي ثـانــــي مَـــدار!ّ

*

 وْمِـسْـتَــغْـــرِبْ لـيـش إحْــنــا

ظَــلّــيــنــا فــي مَــطْــرَحْــنــا

وْمِـسْـتَـغْـرِبْ لـيـش تْـفَــرَّقْـنـا

وْلَـــولا شْــــوَيِّ تْــذَبَّــحْــنــا!

*

وْمِـسْـتَـغْـرِبْ لــيـشِ الْـغَـريـب

صـــارْ فــي إلـــو نَــصـــيــب

وْإنْــتــــــي وْأنــــا مـــا إلْـــنْــا 

غـيـرِ الـشَّــكْـوى وِالـنَّحـيــب!