حطين (قصيدة من الشعر الزجلي)

يا شباب حطين

حطين لا تتركوها          

باض الحمام وعشش في طواقيها

يا شباب حطين                   

 حطين لا تتركوها

جدود جدودكم اللي بنوها

يا شباب حطين

حطين لا تتركوها

صلاح الدين حرر أراضيها

يا شباب حطين

حطين لا تتركوها

مقام النبي شعيب

ساكن في أراضيها

يا شباب حطين

 حطين لا تتركوها

صلاح الدين اللي بنى الجامع فيها

**

/سلملي على حطين

يا طير سلملي على حطين

سلملي على قلعة صلاح الدين

سلملي على دار اهلي

سلملي على الخروبة اللي على البيدر            

ياما لعبت بترابها

وياما تعمشقت على غصونها

يا طير سلملي على الكناية بقاع الدار

سلملي على العنابة

سلملي على كرم الزتون

سلملي على العيون

اللي كانت ميتو تروي حلال طرعان لوبية ونمرين

سلملي على النبي شعيب

مقام للدروز وللمسلمين

يا طير سلملي على حطين

*الشاعرة من مواليد قرية حطين المهجرة قضاء طبريا